ТУСГААРЛАХ БАЙРАНД АРХИ УУЖ, ЗОДООН ХИЙСЭН ИРГЭДЭД ХАРИУЦЛАГА ТООЦНО

Эрдэнэт” сувиллын цогцолборт тусгаарлалтад байгаа иргэдээс таван иргэн хорио цээрийн дэглэм зөрчсөн байна. Эдгээр иргэд нь хорио цээрийн дэглэмийн үед архи согтууруулах ундаа хэрэглэсэн бөгөөд, хоорондоо зодоон хийжээ.

Зөрчлийн тухай хуулийн 5.13 дугаар зүйл 1-д зааснаар “Гамшиг, аюулт үзэгдэл, осол, аюул, гамшгийн эрсдэлийн талаар олон нийтийг төөрөгдүүлэх мэдээ, мэдээлэл түгээсэн, эсхүл эрх бүхий байгууллагаас тогтоосон хорио цээр, хөдөлгөөний хязгаарлалтын дэглэмийг зөрчсөн бол хүнийг нэг зуун тавин нэгжтэй тэнцэх хэмжээний төгрөгөөр, хуулийн этгээдийг нэг мянга таван зуун нэгжтэй тэнцэх хэмжээний төгрөгөөр торгох” хуулийн заалтын дагуу Цагдаагийн газраас эдгээр иргэнийг 150.000 мянган төгрөгөөр торгож арга хэмжээ авсан байна.

Эх сурвалж: montsame.mn

Уншигчдын бичсэн сэтгэгдэлд Live1.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Side Banner

Мэдээ илгээх

Онлайн туслах