Өвлийн халтиргаа гулгааг арилгах бодис худалдан авахад 940 сая төгрөг төсөвлөнө

Нийслэлийн Засаг даргын зөвлөлийн хурлаар 2020-2021 оны өвөлжилтийн бэлтгэл хангах ажлын явцыг танилцуулж ажил эрчимжүүлэхийг Инженерийн хангамжийн байгууллагууд, харьяа газрууд, дүүргийн засаг дарга нарт үүрэг болгожээ.

Тэр дундаа хотын гол гудамж зам талбай, алслагдсан зам, замын байгууламжийн хальтиргаа гулгааг арилгах зориулалттай 2000 тн тусгай бодис нэмж худалдан авахад шаардагдах 940 сая төгрөг, өвөл хүндэрч болзошүй 14 сургууль, цэцэрлэгийн 723,0 сая төгрөгийн хөрөнгийн асуудлыг шийдвэрлэхийг Санхүү, төрийн сангийн хэлтэст тус тус тэмдэглэлээр үүрэг болголоо.

Мөн НОК-оос үер усны аюулаас урьдчилан сэргийлэх чиглэлээр өгсөн үүргийн дагуу Улаанбаатар хотын инженерийн бэлтгэл арга хэмжээний өнөөгийн байдал, цаашид авах арга хэмжээний талаар танилцуулж, үерийн хамгаалалтын далан сувгийн засвар шинэчлэл, авто замын борооны ус зайлуулах шугам сүлжээний ажил, хөрсний усны түвшин доошлуулах шугам сүлжээний ажлуудын зураг төсвийг боловсруулах шаардлагатай хөрөнгийн асуудлыг судлан, Нийслэлийн Засаг даргын захирамжаар барилга байгууламж, шугам сүлжээний ажлын зураг төслийг Улаанбаатар хотын Захирагчийн ажлын албаар хянуулах, барилга байгууламж ашиглалтад авах Улсын комиссын бүрэлдэхүүнд мэргэжлийн байгууллагыг оролцуулах зэрэг бодлогын томоохон асуудлуудыг шийдвэрлэхээр болов.

Эх сурвалж: Улаанбаатар хотын Захирагчийн Ажлын Алба

Уншигчдын бичсэн сэтгэгдэлд Live1.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Side Banner

Мэдээ илгээх

Онлайн туслах